افغانستان کښې د پاکستاني سيلانيانو د هرکلي ځانګړې غونډه ترسره شوه
د افغانستان د کورنيو چارو وزارت ویاند مفتی عبدالمتین قانع په خپلو ټولنیزو رسنیو پاڼو خبر ورکړی دې چې د پاکستان هغو شپاړس ۱۶ کسیزه د سیلانیانو ډلې لپاره په پایه تخت کابل کښې يوه ځانګړې غونډه جوړه شوې وه، چې له پاکستان څخه په موټرسايکلونو افغانستان ته راغلې دي
د ویاند په وینا، په افغانستان کښې د بهرنیو سيلانيانو راتګ دا ښيي چې دلته و امن قائم دی او اوس دا هیواد د نړیوالو سیلګرو لپاره مناسب چاپېریال شتون لري
نوموړي زیاته کړې، سيلانيان د افغانستان په راتګ خوښ ښکارېدل او د افغان ولس د مېلمه پالنې مننه يې وکړه، دا یې هم وويل چې د افغانستان طبيعي ښکلا ډېره زړه راښکونکې ده. هغوی دا ژمنه وکړه چې هڅه به کوي نړۍ ته د افغانستان امن، مېلمه پال او مثبت انځور وړاندې کړي
دلته دا خبره مهمه ده چې باید یادونه ی وشي چې په دې غونډه کښې د اولمپیک کمېټې مشر مولوي حمدالله وثیق د سيلانيانو دود هرکلې وکړو دوی ته ی ستړي مشي اوویل
په دې غونډه کښې د کورنيو چارو وزارت ویاند عبدالمتین قانع او نورو چارواکو هم ګډون وکړو او د پاکستان څخه راغلي سیلانیانو ته ی درناوې او عزت ورکړو
باید یادونه وشی چې وړمه ورځ د پاکستان ښار لاهور څخه د سیلانیانو ډله چې په موټر سایکلونو سپاره وو د تورخم له لارې افغانستان ته داخل شول چې مقصد ی دا وو چې نړۍ ته اوښایی چې اوس په افغانستان کښې امن راغلې دې او د هیواد سره د ګاونډي هیواد پاکستان، د بهرنیو سیلانیانو لپاره یو ښه ځای دې
د پاکستان څخه د ۱۶ کسیزې ډلې افغانستان ته په موټر سایلکلونو سفر ښیی چې وس افغانستان کښې امن راغلې دې او دا هیواد د بهرنیو سیلانیانو لپاره یو ښه هدف دې ځکه په افغانستان کښې یو شمیر قدرتي ښکلاګانو سره سره د ډیر تاریخي ځایونه هم شته چې د بهرنیو سیلانیانو لپاره د کتلو دي