د ایران ولسمشر ډاکټر مسعود پیزشکیان دوه ورځنی پاکستاني سفر بشپړ کیدو وروسته خپل هېواد ته واپس ستون شو
وفاقي وزیرانو ریاض حسین پیرزادہ او عطاء الله تارړ له خوا د ایران ولسمشر ډاکټر مسعود پیزشکیان ته خدای په آماني اوویل شوه او په ډیر درناوي او عزت خپل هیواد ته ستون کړې شو
په دې موقع وفاقي وزیرانو ولسمشر پیزشکیان ته د هغه د پاکستان د سفر یادګاري شېبو نه ډک یو ښکلي انځوري البم هم ډالۍ کړو چې له ایران اولسمشر لوري ډیر خوښ کړې شو
دغه البم د پاکستان او ایران ترمنځ د زیاتېدونکو دوستانه اړیکو او کلتوري رابطو ښکارندوی وو چې د پاکستان او ایران اړیکې تل پاتې او نورې هم قوي شي.
اولسمشر پیزشکیان د دې ښکلي تصویري البم له امله له وفاقي وزیرانو مننه وکړه، دوی سره ی خدای په آماني وکړه او چې کله الوتکې ته ننوتلو نه واپس راګرځیدلو سره ی لاس اوچت کړل او په مخ ی مسکا وه
دایران اولسمشر پاکستان سفر څومره مهم وو؟
په داسې وخت کښې چې نړیوال سیاست کښې یو شمیر بدلونونو راغلې دې ،پاکستان هم ددې بدلون سره سره خپلې ځانګړتیاوې ټاکلې دي،په سیمه کښې ی د سولي او ثبات لپاره خپلې تګلارې پلان کړې او اعلان کړي دي.
دلته ددې خبرې باید یادونه وشي چې د ایران صدر پژشکیان د پاکستان په دوه ورځني سفر کښې د پاکستان لوړپوړه چارواکو سره مهم ملاقاتونه وکړل او په مهمو موضوع ګانو ی ورسره ټینګار وکړو.
وړمه ورځ د پاکستان په دوره راغلې د ايران صدر مسعود پژ شکيان وزيراعظم شهباز شريف سره ملاقات وکړو او ورسره ئې د دواړو ملکونو په سیاسي او اقتصادي اړیکو، تجارت او یو شمیر نور شعبو کښې د همکارۍ ،د پاکستان او ايران د ګډو سرحدونو سيکيورټۍ او د سيمې په موجوده صورتحال ډیرې ګټورې خبرې وکړې.
دلته باید یادونه هم وشي چې دا مهمه کتنه د پاکستان په پایه تخت اسلام آباد کښې په وزيراعظم هاؤس کښې وشه ،د ملاقات نه مخکښې د ايران صدر مسعود پژشکيان ته ګارډ آف آنر وړاندي کړې شوې او نوموړي ته په وزیراعظم هاوس کښې په ډیر عزت او درناوي ستړي مه شي اوویل شول