آئي ايس پي آر لخوا جاري شوي بيان کښې وئيلي شويدي چې فيلډ مارشل عاصم منير د ملتان ګيريژن دوره کړې او پاک پوځ بيړه کښې د جديد زيډ ۔ ټين ايم اي ( Z-10ME ) اټيک هيلي کاپټر د شاملولو په دستوره کښې شرکت کړېدے ۔ فيلډ مارشل د دې هيلي کاپټر معائينه کړے او مظفرګړه فيلډ فائرنګ رينج کښې د دې جنګي هيلي کاپټر د مهارت مظاهره ئې کتلې ده ،د خپلې دورې په مهال فيلډ مارشل ته د پاک پوځ د آپريشنل تيارو او جاري تربيتي پروګرامونو په حواله تفصيلي بريفنګ ورکړي شوېدے ۔ فيلډ مارشل عاصم منير د پوځ د ځوانانو آپريشنل تيارو باندې د اطمينان اظهار کړے او وئيلي ئي دي چې پاک پوځ د ملک دفاع او امن بحالۍ لپاره هر دم چمتو دے او د هر قسم خطرو د مخ نيوي د عزم اظهار ئي کړيدے ۔ آئي ايس پي آر بيان ترمخه فيلډ مارشل عاصم منير ملتان چهاوڼې کښې نامتو علمي او سماجي شخصيتونو سره ملاقات کړې او په دې موقع ئې خپله وينا کښې ئې د هائبرډ خطرو د مخ نيوي لپاره د سول ۔ ملټري يووالي په اهميت زور راوړېدے ۔
د ملتان ګيريژن دورې په مهال فيلډ مارشل عاصم منير د پوځ ځوانانو او افسرانو ته وينا هم کړيده،د ملک دفاع،پولو تحفظ او امن بحالۍ لپاره ئې د دوي د کردار او قربانو ستائينه کړيده ۔فيلډ مارشل عاصم منير وئيلي دي چې د پاک پوځ آپريشنل تيارۍ دښمن له غاښ ماتي شکست ورکولو صلاحيت نور مضبوطوي ۔ فيلډ مارشل زياته کړيده چې د وخت بدليدونکي تضاضو مطابق به پاک پوځ هم خپله برتري برقرار ساتي په هر حال کښې به د ملک د خپلواکۍ او علاقائي سالميت دفاع کوؤ ۔
