وړمه ورځ د پیښور په باچاخان مرکز کښې د عوامي نیشنل ګوند له لوري راجوړې شوې د قامي امن جرګې وروسته صوبایی کمیټي جوړولو اعلان وشو
د عوامي نېشنل ګوند خیبرپختونخوا تر مشرۍ لاندې تابیا شوې قامي امن جرګې په ترڅ کې په ګډه یوه صوبایي کمېټي جوړه شوه
د یاد ګوند لوري په اړه داسې بیان خپور شوې چې په دې کمیټۍ مشري به د اے این پي خیبرپښتونخوا صوبایي صدر میا افتخار حسین کوي، پداسې حال کښې چې د نورو سیاسي ګوندونو صوبایي مشران او بېلابېلو تنظیمونو استازي به ددې کمیټۍ غړي وي
د جرګې په اعلامیه کې ویل شوي چې دا کمېټي به له مرکزي قیادت سره په مشوره له حکومت او اسټیبلشمنټ سره د لیدنو لپاره وخت ترلاسه کوي او د دې مقصد لپاره به د ټولو سیاسي مشرانو يو ځانګړی غونډه هم را اوغواړي
اعلامیه زیاتوي چې د جوډیشل کمېشن جوړېدو لپاره د جرګې له لوري ورکړل شوې لس ورځنۍ ډیډ لاین له پوره کېدو وروسته به راتلونکي لپاره هم دغه کمیټي تګلاره ټاکي
دلته ددې خبرې هم باید یادونه وشي چې دا کمیټي به د احتجاجي تګلارې جوړولو لپاره له مرکزي قیادت سره مشوره کوي او اسلاماباد يا راولپنډۍ کښې به د احتجاجي پرلت په اړه پریکړه هم دا کمیټي کوي
دلته دا هم باید یادونه وشي چې وړمه ورځ عوامي نیشنل ګوند سر ه د نورو سیاسي ګوندونو له واکمنو غوښتي وو چې دوی په صوبه او قبایلي سیمو کښې د ناامني مخالفت کوي او په سیمه کښې باید باید د اولس ژوند خوندي کولو لپاره ګوټلي ګامونه پورته شي