آئي ايس پي آر ترمخه د پاکستان کوربتوب کښې شپږ ملکي ريجنل چيفس آف ډيفنس سټاف کانفرنس شوېدے چې پکښې د پاکستان نه علاوه د امريکې،ازبکستان،قازقستان،تاجکستان او کرغزستان پوځ مشرانو شرکت کړې وو۔ رابطې مضبوطولو او امن قائمولو په موضوع شوې د دې کانفرنس مقصد د ترهه ګرۍ د خاتمے،سلامتيا متعلق تعاون نور مضبوطول،د شپږ واړو ملکونو ترمينځ تربيتي پروګرامونو ته وده ورکول او دفاعي شعبو کښې د يو بل د تجربو نه فائده پورته کول وو۔ کانفرنس کښې د سيمې د سيکيورټۍ صورتحال، مينځني او جنوبي ايشيا کښې تيزې سره بدل شوې تزويراتي ماحول او مشترکه تربيتي اقداماتو نه علاوه په نورو مهمو معاملو خبرې شويدي۔ د کانفرنس ګډون والو د امن،د قامي خپلواکۍ احترام ،سخت دريزې،د سائبر خطرو او نور چيلنجونو په شريکه مقابله کولو باندې اتفاق کړېدے ۔ پوځي مشرانو دفاعي سفارتکارۍ ته وده ورکولو لپاره دا کانفرنس ډير مهم ګرځولي دے او د کانفرنس د کامياب انعقاد او د پوځي مشرانو ميلمتوب کولو باندې ئې د پاکستان د کردار ستائينه کړيده ۔
چيلنجونو مخ نيوي لپاره سيمې ملکونو تعاون ضروري دې،فيلډ مارشل
فيلډمارشل عاصم منير دې کانفرنس ته وينا کړے او کانفرنس له راغلي پوځي مشرانو هرکلي ئې کړېدے ۔ خپله وينا کښې فيلډ مارشل د سيمې د امن او څوکالۍ لپاره د پاکستان کردار جاري پاتي کيدو عزم کړېدے ۔ د هغه وينا وه چې په داسې وخت چې د سيمې ملکونو د پولو د خطرو،پيچيده هائبرډ چيلنجونو سره مخ دے د ريجنل چيفس آف ډيفنس سټاف په رنګ کانفرنسونه، ډائيلاک، خپل مينځي تعاون د نور هم سيوا کولو ضرورت دے ۔ فيلډ مارشل زياته کړه چې د هر قسم خطرو او چيلنجونو نه محفوظ او څوکاله سيمې لپاره به پاکستان ټولو ملکونو سره په شريکه کار کوي ۔
امريکني سينټکام چيف له نشان امتياز اعزاز
د آئي ايس پي آر لخوا يو بل جاري شوي بيان کښې وئيلي شويدي چې د پاکستان په دوره راغلي د امريکې د سنټرل کمانډ مشر جنرل مائيکل اي کوريلا له نشان امتياز(ملټري ) اعزاز ورکړي شوېدے۔ امريکني جرنيل له دا اعزاز د سيمې امن او استحکام او د پاکستان او امريکې ترمينځ سټريټجکي دفاعي اړيکې پراخه کولو کوششونو په صله کښې ورکړي شوېدے ۔ آئي ايس پي آر بيان ترمخه جنرل کوريلا د پاکستان او امريکې ترمينځ د باهمي اعتماد،دفاعي تعاون او د ترهه ګرۍ مخ نيوي په شعبه کښې د پاک پوځ او سينټکام ترمينځ شراکت دارۍ سيوا کولو کښې مهم رول ادا کړېدے پاکستان د هغه د خدماتو ستائينه کوي او د پاکستان اعلي عسکري اعزاز امتياز ملټري جنرل کوريلا له ورکول د هغه د خدماتو اعتراف دے۔ ايوان صدر ته په راتګ د پاکستان درې واړو پوځونو دستے د سينټکام مشر جنرل کوريلا ته ګارډ آف آنر وړاندې کړې وو ۔ د خپلې دورې په مهال د سينټکام چيف د صدر مملکت آصف علي زرداري،چيف آف آرمي سټاف فيلډمارشل عاصم منير نه علاوه نور اعلي پوځي چارواکو سره ملاقاتونه کړي وو او ورسره ئې د دواړو ملکونو ترمينځ دفاعي اړيکو،د ترهه ګرۍ خلاف روان جنګ او د سيمې سيکيورټۍ په معاملو خبرې کړي وې
