خارجه وزيراسحاق ډار نيويارک کښې د متحده قامونو د جنرل سيکټري انتونيوګوټريس سره ليده کاته کړيدي او ورسره ئې د سيمې سيکيورټۍ،ترهه ګرۍ خلاف جنګ او نړي وال شخړو د حل لپاره د متحده قامونو کوششونو په معاملو خبرې کړيدي ۔ خارجه وزير اسحاق ډار د پاکستان او هند ترمينځ تاؤ تريخوالي کمولو لپاره د متحده قامونو د جنرل سيکرټري د کردار ستائينه کړيده او د هند حکومت لخوا د سند طاس معاهدې او په کشميريانو روان ظلمونو معامله ئې د انتونيوګوټريس سره پورته کړيده ۔ ملاقات په مهال اسحاق ډار د کشمير مسئله د سلامتي کونسل د قراردادونو مطابق حل کولو باندې زور راوړېدے ۔ د متحده قامونو جنرل سيکټري د سيمي د امن او استحکام او نړي وال شخړو د حل لپاره سلامتي کونسل کښې د پاکستان د کردار او د اصولي موقف ستائينه کړيده ۔ دواړو مشرانو د ايران اسرائيل تاؤ تريخوالي او فلسطين په معاملو هم خبرې کړيدي او غزه کښې ئې دفوري جنګ بندۍ مطالبه کړيده ۔
جنرل اسمبلۍ صدر سره د خارجه وزير اسحاق ډار ملاقات
خارجه وزير اسحاق ډار د جنرل اسمبلۍ د صدر فيليمون يانګ سره هم ملاقات کړېدے او ورسره ئې د شريکې دلچسپې په معاملو،افغانستان او سيمې سيکيورټۍ په صورتحال خبرې کړيدي ۔ د ملاقات دوران د موسمياتو بدلون او پاکستان بشمول نورو ملکونو باندې د دې اثراتو او مختلف ملکونو کښې د خوراکي بحران په معاملو هم د خيالاتو بدلون شوېدے ، خارجه وزير د فتنه هند پراکسيز په ذريعه پاکستان کښې بدامني خورولو معامله د جنرل اسمبلۍ د صدر سره پورته کړيده او وئيلي ئي دې چې نړي واله ټولنه دې د هند د جارحيت نوټس واخلي او د دې د مخنيوي کوششونه دي وکړي ۔ اسحاق ډار د نريندر مودي جارحانه رويه، پاکستان خلاف پروپګنډا مهم او د سند طاس معاهدې خلاف ورزۍ د سيمې د امن او استحکام لپاره خطره بللي ده ۔ د خبرو دوران د جنرل اسمبلۍ صدر د شخړو د پرامن حل او د اسلاموفوبيا خلاف د پاکستان د کوششونو ستائينه کړيده ۔
