ډسټرکټ پریس کلب لنډي کوتل کښې د نشه ی توکي ختمول زمونږ د ټولو ذمه واري تر عنوان لاندې د مېټ دی پریس غونډې تابیا شوې وه
په دې غونډه کې د خیبر سپورټس کلب مشر او سینئر کسټم کلیرنس ایجنټ معراج الدین شینواری، د مسلم لیګ (ن) جنرل سیکرټرۍ ساجد علي آفریدی، د جماعت اسلامي مشره او د تحصیل کونسل غړي عبدالروف شینواری، د پي ټي آی پارلیماني لیډر ابودردا شینواری، د جے یو آی (ف) جنرل سیکرټرۍ مولانا عاقب شینواری، د ټرانسپورټ یونین مشر حاجي عظیم الله شینواری، د لنډي کوتل ایس ایچ او عدنان آفریدی او ایډیشنل اسسټنټ کمشنر شهاب الدین ګډون وکړو
د غونډې ګډونوالو ټینګار وکړ چې نشه ی توکي د ټولنې لپاره یو زهر دې چې له منځه وړل یې د هر وګړي ذمه واري ده. دوی وویل چې نشه يي توکي زمونږ راتلونکې نسلونه تباه کوي او ټول باید په دې برخه کې خپل کردار ادا کړي چې زمونږ نسل ددې زهرو څخه بچ شي
د خیبر سپورټس کلب مشر معراج الدین شینواری له دیني عالمانو څخه وغوښتل چې د ممبر له لارې دې خپل غږ ددې نشه ی توکو په ضد پورته کړي او د حکومتي ادارو سره په ګډه د نشې د دې لعنت د ختمولو لپاره هلې ځلې وکړي
ایس ایچ او عدنان آفریدی وویل چې د منشیات خرڅوونکو سره به هېڅ ډول رعایت او نرمي ونه شي، او له اولس او خبریالانو یې غوښتنه وکړه چې د پولیسو سره مرسته وکړي او که چرته د نشه يي توکو د خرڅولو په اړه څه معلومات لري نو سمدستي دې پولیس ته خبر ورکړي. هغه زیاته کړه چې پولیس ذمه وار دي چې بیا ددې نشه ی توکو او نشه توکو په کاروبار کښې ککړو کسانو په ضد ګامونه پورته کړي
دیني عالمانو د د غونډې نور مشرانو په ټولنه کښې د مور او پلار په ذمه واري زور ورکړو او ټینګار ی وکړو چې مور او پلار په دې اړه ډیر فعال رول لوبولې شي
مشرانو اوویل چې که چرې مور او پلار د خپلو بچو ښه تربیت وکړي نو بیا کله هم دوی دې کار ته ګوتې نه شي وړلې
مشرانو ټینګار وکړو چې د هیواد اړوند ادارې دې د نشه ی توکو ختمولو او د نشه توکو په کاروبار کښې ککړو کسانو په ضد ګامونه واخلي چې زمونږ راتلونکې نسل ددې لعنت څخه بچ کړې شي