وفاقي داخله وزير محسن نقوي تهران کښې د ايران د صدر مسعود پزشکيان سره ملاقات کړېدے،ورسره ئې د شريکې دلچسپې په معاملو،دواړو ملکونو ترمينځ اړيکو پراختيا او تجارت بشمول مختلف شعبو کښې تعاون په معاملو خبري شويدي، د ملاقات دوران د پاکستان او ايران مشترکه پولې سيکيورټۍ،د سمګلنګ د مخ نيوي او سيمې په صورتحال هم د خيالاتو بدلون شوېدے ۔ محسن نقوي د ايران صدر له د وزيراعظم شهباز شريف د نيک خواهشاتو پيغام هم رسولې دے ۔
د ايران صدر مسعود پزشکيان د اسرائيل د حملو او دولس ورځني جهګړې دوران په سفارتي سطح د ايران مخلصانه ملاټر جاري ساتلو باندې د پاکستان د حکومت شکريه ادا کړيده او وئيلي ئي دي چې د پاکستان اولس او حکومت د مشکل دې وخت کښې د ايران سره اودريدل به چرې هم هير نه کړو او د پاکستان کردار اسلامي نړۍ ته په ډاګه کړيده چې د اسرائيلي ظلمونو خلاف دې ټول يو موټي شي ۔
د ايران صدر وئيلي دي چې دواړو ګاونډي ملکونو ترمينځ تعلقات مضبوطول او تعاون سيوا کولو موقعې موجود دي بايد چې دواړه ملکونه د رابطو او ملاقاتونو دا سلسله جاري وساتي ۔ داخله وزير محسن نقوي د اسرائيل جارحيت ناکامه کولو باندې ايران له مبارکي ورکړيده او وئيلي ئي دي چې د سپريم ليډر آيت الله خامنا اي په قيادت کښې دا د ايران ډيره لويه کاميابي وه چې اسرائيلي رياست ته ئې سر ټيټ نه کړو ۔
