د ضلع خیبر په تحصیل لنډي کوتل کې د نړیوال کرکټ لوبڅار خدای بخښلي بسم الله جان شینواري روح ته ایصال ثواب لپاره د ختم القران او صدقه خیرات تابیا شوې وه
دا غونډه د پخواني کرکټ لوبغاړي او د تورخم د کسټم کلیرینس ایجنټانو یونین پخواني مشر ایمل شینواري په مشرۍ کې تابیا شوې وه. په غونډه کې د سیمې یو شمیر لوبغاړو ، ځوانانو او د سپورټس یونین مشرانو ګډون وکړو او د خدای بخښلي بسم الله جان شینواري لپاره ی ځانګړې دعاګانې وکړي
په دې موقع ایمل شینواري په خپله وینا کې اوویل چې د بسم الله جان شینواري په مړینه خواشیني څرګندوي او د هغه مړینه د کرکټ او د کرکټ مینه والو لپاره لوی تاوان دې
هغه اوویل چې بسم الله جان شینواري د ټولو پښتنو ویاړ وو او د نوموړي کرکټ لپاره خدمتونو به تل یادولې شي
ددی خبرې باید یادونه وشي چې خدای بخښلې بسم الله جان شینواري د آیی سي سي د غوره پينل یو لوبڅار ،امپایر وو او درې ورځې وړاندې په روغتون کې د ورپیښې ناروغۍ له امله ی له دې نړۍ څخه سترګې پټې کړې.
خدای بخښلي په یو شمیر نړیوال یوه ورځني او ټي ټونټي لوبو کې د آیی سي سي لوري لوبڅار په توګه ذمه واري ترسره کړې وه