په معاشي توګه مستحکم د 11 ملکونو تنظيم (برکس) د مشرانو اجلاس د برازيل په ريوډي جنيرو ښار کښې شوي وه چې پکښې د اسرائيل فلسطين تاؤ تريخوالي،په ايران د اسرائيل حملې او د دې وروستو پيدا شوي صورتحال،د تنظيم ملکونو ترمينځ مالياتي او سفارتي اړيکو او مشترکه کرنسۍ په معاملو غور شوي وو ۔
برکس اعلاميه د پاکستان د موقف تائيد
د برکس اجلاس وروستو اعلاميه جاري شويده چې پکښې په ايران د اسرائيل د حملو،فلسطنيانو خلاف روان ظلمونو مذمت شوے او د امريکني صدر ټرمپ په تجارتي پاليسو د تحفظاتو اظهار شوي وو۔ په اعلاميه کښې د هند د وزيراعظم نريندر مودي د خواهش او مطالبې باوجود پهلګام حمله پاکستان سره تړلو کوشش ناکامه شوېدے ۔ برکس اعلاميه کښې د پهلګام حملې خو مذمت شوېدے ولې دې حمله کښې د پاکستان د ککړتيا څه ذکر نه دې شوے حالانکه هند وزيراعظم مودي دې لپاره ډير کوششونه کړي وو۔
برکس اعلاميه د پاکستان سفارتي ګټه
سفارتي ماهرينو د برکس اعلاميه د هند سفارتي ناکامي ګرځولي ده او وئيلي ئي دي چې دې اعلاميې پهلګام حملې او وروستو د پاکستان خلاف هند جارحيت په حواله د پاکستان موقف صحيح ثابت کړيدے ۔ د روس صدر ولادي مير پوټن او د چين صدر شي جن پنګ برکس تنطيم د مشرانو په اجلاس کښې شرکت نه وو کړے ۔ دې مهم اجلاس کښې د دواړو طاقتور ملکونو سربراهانو عدم شرکت ثابت کړيده چې دا ملکونه هم د هند د بيانيي په حق کښې نه دي، په پاکستان د هند د حملو نه پس چين او روس د پاکستان جوابي کارروائي جائز ګڼلې وې ۔ دې نه مخکښې د تيرې مياشتې په شپږويشتمه نيټه د شنګهائي تعاون تنظيم د خارجه وزيرانو اجلاس دوران هم هندوستان د ناکامۍ ښکار شوي وو او د پهلګام حملې ذمه وار پاکستان ګرځولو په حواله د هند د الزاماتو ملاټر د تنظيم يو ملک هم نه وو کړے ۔
پهلګام حمله او پاکستان خلاف سازشونه
په دويشتم اپريل د مقبوضه جمو و کشمير په سيلګرۍ مقام پهلګام باندې د ډزو پيښه رامخې ته شوي وه چې پکښې اتويشت کسان وژلي شوي وو۔ د دې حملې نه يو څو ګهنټې پس هند حکومت بغير د څه تحيق يا ثبوت د دې حملې ذمه وار پاکستان ګرځولي وو او د پاکستاني حکومت لخوا د دې پيښې تحقيقاتو کښې مرسته کولو وړانديز باوجود هند په شپږم او اووم مئي د شپې په تياره کښې په پاکستان حملې کړې وې چې پکښې د پاک پوځ يوؤلس ځوانانو بشمول څلويښت تنه شهيد شوي وو۔ د دې حملو وروستو پاکستان د خپلې دفاع لپاره هم د هند خلاف جوابي کارروائۍ باندې مجبوره شوي وو او د يو څو ګهنټو جوابي حملو کښې ئې دښمن پوځ له داسې عبرت ناک شکست ورکړې وو چې ټول عمر له به ئې ياد ساتي، د پاکستان د جوابي حملو لوجې د هند شپږ الوتکې ،ميزائيل ډيفنس سسټم ،مهم پوځي اډې او حساس مرکزونه تباه کيدو نه پس هند پاکستان سره جنګ بندۍ ته رضا شوي وو ۔