آئي ايس پي آر لخوا جاري شوي بيان ترمخه په يکم او دوئم جولائۍ د شپے په مهال د شمالي وزيرستان حسن خيل علاقه کښې د افغانستان د طرف نه ګڼ شمير ترهه ګرو پاکستان ته د داخليدو کوشش ناکامه کړې شوي وو او د جوابي کارروائۍ په مهال ديرش فتنه هند مرستيال ترهه ګر وژلي شويدي ۔
بيان کښې وئيلي شويدي چې د وژلي شوي ترهه ګرو د ولقې نه لوئي شمير کښې وسله،بارودي مواد هم برآمد شويدي، آئي ايس پي آر د افغان حکومت نه مطالبه کړېده چې د دې هيواد خاوره د پاکستان خلاف د ترهه ګرۍ حملو لپاره د استعماليدو مخ نيوي دې وکړي او د هغه بهرملکي عناصرو خلاف دې کارروائي وکړي څوک چې د پاکستان د سيکيورټۍ لپاره د خطرو سبب جوړيږي ۔ صدر مملکت آصف علي زرداري، وزيراعظم شهباز شريف او داخله وزير محسن نقوي په شمالي وزيرستان کښې د سيکيورټي فورسز د دې کامياب عملياتو ستائينه کړيده، خپل بيانونو کښې صدر او وزيراعظم وئيلي دي چې ملک نه ترهه ګري په مکمله توګه ختمول د حکومت ترجيح ده او د شرخوښو خلاف به پوځي عمليات جاري
وي ۔
سيکيورټي فورسز د فتنه هند مرستيال ترهه ګرو په ضد دا کامياب عمليات په داسې مهال کړيدي چې د خېبرپښتونخوا جنوبي ضلعو کښې د ترهه ګرو په حملو کښې تير څو ورځو راهسې اضافه راغلې ده په خصوصي توګه دې حملو کښې سيکيورټي فورسز او پوليس اهلکار په نښه کيږي ۔
