د خېبرپښتونخوا ضم ضلعو کښې ورځ تر بله بدامنۍ واقعاتو کښې سيوا والي راغلې، د شمالي وزيرستان په حسن خيل شوال وادۍ کښې د افغانستان د طرف نه د فتنه هند مرستيال ترهه ګرو پاکستاني حدود ته داخليدو کوشش ناکامه کړي شوېدے ۔ امنيتي سرچينو ترمخه خواؤ شا 30 ترهه ګر پاکستان ته داخليدو لپاره په پوله لګولي شوي ازغن تار کټ کړې وو،ترهه ګر چې کله پاکستاني حدود ته داخل شول نو سيکيورټۍ فورسز د دې خلاف جوابي کارروائي وکړه ۔
په دې موقع د سيکيورټي فورسز او ترهه ګرو ترمينځ د ډزو تبادله هم شوي وه چې پکښې د اوولس شرخوښو د وژنې اطلاعات دي ۔
سيکيورټي فورسز د فتنه هند په ضد دا کامياب عمليات په داسې مهال کړيدي چې د خېبرپښتونخوا جنوبي ضلعو کښې د ترهه ګرو په حملو کښې تير څو ورځو راهسې اضافه راغلې ده بلخوا د سيکيورټي انديښنو لوجې کوز او بره جنوبي وزيرستان کښې کرفيو لګولي شويده، ضلعي انتظاميې لخوا جاري شوي نوټيفيکشن ترمخه کرفيو دوران به ټول بازارونه او د تګ راتګ لارې بندې وي،د ګاډو او موټرسائيکلو په چلولو هم بنديز دے ،د کرفيو خلاف ورزي کونکو خلاف د سختې کارروائۍ خبردارې ورکړي شوېدے ۔ بنو تعلیمی بورډ د سيکيورټي د خطرو لوجې د نهم او لسم دوه پاتې شوې پرچې ملتوي کړيدي، د بورډ چيئرمين لخوا جاري شوي بيان ترمخه د ميټرک نورې پرچے شويدي ولې دوه پرچې پاتې وي چې کله حالات ښه شي نو د دې پرچو ډيټ شيټ به جاري کولې شي ۔
