ډي پي او وقاص رفيق بيان ترمخه د باجوړ ضلع کښې په ناواګۍ روډ صديق پهاټک سره نزدې سرکاري اهلکارو په ګاډي بمي چاودنه شويده ۔ چاودنې لوجې ګاډي کښې ناست د ناواګۍ اسسټنټ کمشنر فيصل اسماعيل، تحصيلدار وکيل، پوليس کانسټيبل رشيد او صوبيدار نور حکيم شهيد شوېدے ۔يو عام تن هم دې چاودنه کښې شهيد شوي او يوؤلس نور کسان ژوبل شويدي۔ د چاودونې شهيدان او ژوبل کسان خار هسپتال ته منتقل کړي شويدي ۔
چاودنې نه پس مشير صحت احتشام علي د باجوړ هسپتالونو کښې ايمرجنسي نافذ کړيده او د هسپتالونو عملې ته د چمتو اوسيدو هدايت ئي کړېدے ۔
د باجوړ غمژنه پيښه په داسې مهال رامخې ته شوې چې د خېبر پښتونخوا په زياتره سيمو په خصوصي توګه شمالي،جنوبي وزيرستان، کرک ،بنو او لکي مروت کښې امنيتي صورتحال خراب شوېدے او تير څو ورځو راهسې په سيکيورټي فورسز حملې سيوا شويدي، صدر آصف علي زرداري ،وزيراعظم شهباز شريف،داخله وزير محسن نقوي ،د خېبر پښتونخوا ګورنر فيصل کريم کنډي او وزيراعلي علي امين ګنډا پور د باجوړ چاودني مذمت کړې او پيښه کښې په ځاني زيان ئې د افسوس اظهار کړېدے، خپل بيانونو کښې حکومتي مشرانو وئيلي دي چې د ترهه ګرو دا قسمه بزدلانه کارروائۍ ملک نه د ترهه ګرۍ د خاتمے لپاره د سيکيورټي فورسز او د اولس حوصلې نشي کمزورې کولې ۔
ملک دښمنه عناصرو او د دوي د سهولت کارو خلاف به د سيکيورټي فورسز عمليات جاري وي