د پيپلزپارټۍ چيئرمين بلاول بهټو زرداري اسلام آباد کښې د ترهه ګرۍ په موضوع نړي وال کانفرنس ته وينا په مهال وئيلي دي چې پاکستان تير څو کالونو راهسې د بدامنۍ ښکار دے،92 زرو نه زيات کسان دې جنګ کښې شهيد شويدي بلاول بهټو زرداري خېبرپښتونخوا او بلوچستان کښې د ترهه ګرو خلاف د سيکيورټۍ فورسز د عملياتو ذکر کړېدے،وئيلي ئي دي چې د راتلونکي نسلونو د تحفظ لپاره به هرحال کښې دا جنګ ګټوؤ، ترهه ګرو ته سر ټيټول د پاکستان په ډکشنرۍ کښې نشته ۔
بلاول ترهه ګري نړي واله مسئله ګرځولي ده او وئيلي ئي دي چې ترهه ګري مذهبونه او سرحدونه نه لري د دې ناسور د ختمولو لپاره مشترکه کوششونه کول پکار دي ۔ خپله وينا کښې بلاول وئيلي دي چې په پاکستان د ترهه ګرۍ د بريدونو منصوبې د پولې هغې اړخ ملکونو کښې کيږي، په افغانستان د طالبانو د قبضې نه پس په پاکستان کښې د ترهه ګرۍ حملې 40 فيصده سيوا شويدے د افغان حکومت نه مطالبه کوؤ چې دوحه امن لوظنامه کښې شوي خپلې وعدې دې پورا کړي او د دې هيواد خاوره د پاکستان خلاف د استعماليدو مخ نيوي دې وکړي ۔
د پاکستان او هند اړيکو په معامله هم بلاول بهټو زرداري خبري کړيدي وئيلي ئي دي چې نريندر مودي سيمه کښې بدامني خورول غواړي د کشمير او نورو شخړو په معامله هند سره هر وخت د مذاکراتو لپاره تيار يو ۔