وزيراعظم شهباز شريف د ايران سفير رضا اميري مقدم سره ملاقات کړې او د اسرائيل حملو لوجې د ايران د پاسداران انقلاب او د پوځ مشر بشمول د ايټمي سائنسدانانو او عام وګړو په شهادت ئې ايران سره د خواخوګۍ اظهار کړېدے، وزير اعظم د ايران په جوهري تنصيباتو د اسرائيل او د امريکې د حملو مذمت کړېدے او وئيلي ئي دي چې پاکستاني اولس او حکومت د خپل ايراني وړوڼو حوصلو او بهادرۍ ته خراج تحسين وړاندې کوي، د ملاقات دوران د ايران او پاکستان ترمينځ اړيکو پراختيا او د ايران اسرائيل جنګ بندۍ نه پس په صورتحال خبرې اترې کړيدي،د ايران سفير رضا اميري د اسرائيلي جارحيت دوران د ايران ملاټر کولو باندې د پاکستان د حکومت شکريه ادا کړيده۔
وزيراعظم شهباز شريف وروستو تعزيتي کتاب کښې د شهيدانو په حواله خپل تاثرات ليکلي او د ژوبل کسانو د زر تر زره صحت يابۍ دعا ئې کړيده ۔ وزيراعظم هر مشکل وخت کښې د ايران ملاټر جاري ساتلو د عزم اظهار کړيدے او د ايران سپريم ليډر آيت الله خامنااي او صدر مسعود پيزشکيان لپاره ئې د نيک خواهشاتو اظهار کړېدے، خارجه وزير اسحاق ډار،د وزيراعظم صلاح کار طارق فاطمي هم د وزيراعظم سره د ايران سفارتخانې ته تلې وو