د مختلف نړي وال شخړو او بحرانونو په دور کښې پاکستان ته په سفارتي کچ مهمه ذمه واري ورکړي شويده او پاکستان په باقاعده توګه د متحده قامونو د سلامتي کونسل صدر منتخب شوېدے ۔
خارجه وزير او نائب وزيراعظم اسحاق ډار په ايکس پاڼه ورکړي شوي بيان کښې وئيلي دي چې پاکستان به د سلامتي کونسل د صدر په حيث خپلې ذمه وارې د متحده قامونو د چارټر مطابق ادا کوي،د هغه وينا وه چې پاکستان په داسې وخت کښې د سلامتي کونسل صدارت کوي چې د نړۍ مختلف ملکونو کښې بشري بحرانونه او نورې شخړې ډيرې شويدي پاکستان به کوشش کوي چې سلامتي کونسل داسې موثره او فوري اقدامات اوچت کړي کوم چې د دې شخړو د پرامن او سفارتکارۍ د لارې حل سبب وګرځي، خپل بيان کښې خارجه وزير اسحاق ډار زياته کړيده چې پاکستان به د ټولو شخړو د حل کولو او موثره نتائجو لپاره د متحده قامونو غړي ملکونو او سلامتي کونسل ترمينځ د پل کردار ادا کوي دې سلسله کښې به ټولو ملکونو سره متوازن او عملي تعاون کيږي، سفارتي ماهرينو ترمخه په داسې مهال چې هند د پهلګام حملې په ذريعه پاکستان په نړيوال کچ د يواځې کولو هر ممکن کوشش کړې وو ولې د دې کوششونو باوجود پاکستان ته اهم سفارتي ذمه وارې ملاويدل د پاکستان مهمه کاميابي ده ۔