د ریسکیو 1122 د معلوماتو له مخې، د سوات د بای پاس په سیمه کې 18 سیلانیان د سېلابي اوبو له کبله سیلاب وړي، چې تر دې دمه 4 جسدونه راویستل شوي او ۳ کسان ژوندي ژغورل شوي دي. د بېلابېلو سیمو څخه تر اوسه 7 مړي راایستل شوي او 6 کسان لا هم ورک دي چې د هغوی د موندنې لپاره ژغورنیز عملیات روان دي. د دغو عملیاتو لپاره ۱۲۰ د ریسکیو اهلکاران په دنده بوخت دي.
بلخوا، د سوات امام ډهیرۍ په سیمه کې ۲۲ کسان چې په سېلابي اوبو کې بند پاتې وو، روغ رمټ ژغورل شوي دي. همداراز، د مټې بره بامه خېله کې ۲۰ تر ۳۰ کسان او د مانیار، پنجیگرام او غالیګې په سیمو کې بند پاتې کسان هم ژغورل شوي دي. له غالیګې څخه د یو تن جسد هم راایستل شوی دی.
په عین حال کې، په لوئر دیر کې د دریائے پنجکوړه او نورو خوړونو د طغیان له امله وضعیت خطرناک شوی دی. په تیمرګرہ خزانه بای پاس کې دوه ښځې او دوه ماشومان بند پاتې وو، او په جندول منډه کې یو زاړه تن د سېلابي خوړ له کبله بند شوی و، چې ټول پنځه کسان د ریسکیو 1122 لخوا ژغورل شوي دي. خو اوس تازه راپورونه ښيي چې په جندول ګرړه سیمه کې یو کس سېلابي اوبو وړي او د هغه د موندنې لپاره ډلې روانې شوې دي.