د خیبرپښتونخوا د پولیس مشر (آئی جی پولیس) ذوالفقار حمید دځانګړې لارښوونې پر بنسټ، په ترهګرۍځپلو جنوبي سیمو ډېره اسماعیل خان، بنو او لکي مروت کې د سیف سټي پروژه پیل شوه په دې اړه په مرکزي پولیس دفتر کې یوه مهمه غونډه وشوه چې پکې د خیبرپښتونخوا پولیس او نیشنل ریډیو ټیلی کمیونیکیشن کارپوریشن
ترمنځ د دې ستر امنیتي پلان لپاره قرارداد لاسلیک شو.
له دې وروسته به په یاده شوېو ضلعو کې د پروژې عملي کار پیل شي، چې تمه ده دا به په شپږو میاشتو کې بشپړ شي .
په دې موقعه د پولیس لوی مشر ذوالفقار حمید، اېډیشنل آی جيز اول خان، محمد علي باباخېل، ډاکټر اختر عباس، او نورو لوړپوړو افسرانو هم په دې درنه غونډه کې ګډون وکړو.
دلته ددې هم باید یادونه وشی چې د پېښور سیف سټي پروژه چې له تېرو څو لسیزو راهیسې ځنډېدلې وه، اوس د آئی جی ذوالفقار حمید په سپارښتنه د ایمرجنسي بنیادونو پر اساس فعاله شوه، او له پېښور وروسته یې د جنوبي سیمو سروې بشپړه شوه، او اوس په رسمي توګه دا منصوبه شروع شوې ده.
د سیف سټي دې لوی منصوبې ترمخه به
د ډیره اسماعیل خان شپږ اتیا ۸۶ نه زیات مهمو ځایونو لپاره ۴۰۰ د لوړ ریزولوشن والا کیمرې نصب شي.
په بنو کې به له ۶۹ زیات ځایونو کې ۳۰۰ او لکي مروت کې به ۴۱ ځایونو کې ۲۵۰ کیمرې ولګول شي چې په دې سیمو کې د ترهګرۍ د پیښو ښه څارنه وشي او د فتنه الخوارج د ترهګریز بریدونو مخه به ونیول شي .
دا مهمه منصوبه به د ۶ شپږو میاشتو تر ۸ اتو میاشتو په موده کې بشپړه شي او ددې منصوبې پای ته رسیدو وروسته به ددې ښارونو په امنیت کې ډیر ښه والې راشي.
د پولیس مشر ذوالفقار حمید وویل چې دا پروژه به د جنوبي ضلعو په ناامنۍ، د فتنه الخوارج د کړنو په مخنیوي، او د مجرمانو په نیولو کې مهم رول ولوبوي. هغه دا هم وویل چې په ښار او کوڅو کې غلاګانې جرمونه او ناسمې کړنې به تر ډېره حده تر کنټرول لاندې راشي.
نوموړي دا هم زیاته کړه چې دا پروژه د خیبرپښتونخوا پولیس لپاره د ډیجیټل بدلون یو مهم ګام دی، چې له لارې به ی د مجرمانو سمدستي پېژندنه او ریکارډ ته لاسرسی ممکن شي .
د غونډې پر مهال آئی جی ته د یادې منصوبې په اړه تفصیلي بریفنګ هم ورکړل شو
