آئی ايس پی آر لخوا جاري شوی بيان کښې وئيلي شويدی چې امنیتي ځواکونو د جنوبي وزیرستان په سراروغه علاقه کښې د فتنه هند مرستيال ترهه ګرو د موجودګۍ په اطلاع عمليات کړيدي.د کامياب کارروائۍ په نتيجه کښې يولس شرخوښې وژل شوي اووه ژوبل شويدی.
ترهه ګرو سره د نښتی په مهال میجر سید معیز عباس شاه او لانس نائيک جبران الله د شهادت درجه ترلاسه کړيده.د پيښې وروستو سيکيورټی اهلکارو سيمه کښی د فتنه اوهند د نور مرستيال ترهه ګرو د لټون او دوی خپل انجام ته د رسولو لپاره سرچ آپريشن شورو کړيدے.
صدر مملکت آصف علي زرداری،وزيراعظم شهباز شريف ،داخله وزير محسن نقوی،د خیبرپښتونخوا وزير اعلی علی آمين ګنډا پور او ګورنر فيصل کريم کنډي جنوبي وزيرستان کښې د پاک پوځ د کامياب عملياتو ستاينه کړې او د سيکيورټی اهلکارو په شهادت ئې د افسوس اظهار کړې او وئيلي ئې دي چې د ملک او اولس دفاع لپاره به د امنيتي اهلکارو قربانو چرې هم ضائع نه شی.
صدر آصف علی زرداري او وزير اعظم شهباز شريف ملک نه د ترهه ګرۍ مکمل د خاتمے عزم کړې او وئيلی ئې دی چې د شرخوښو خلاف به د سيکيورټی اهلکارو عمليات جاری وی.پيښه کښې شهيد شوي ميجر سيد مغيز غباس تعلق د چکوال او د لانس نائيک جبران الله شهيد تعلق د بنو سره وو.