د ايران په جوهري تنصيباتو د امريکني حملو وروستو د سلامتي کونسل هنګامي غونډه شويده چې پکښې زياتره ملکونو په ايران باندې د اسرائيل او د امريکې د حملو مذمت کړې او دا حملې د بندولو مطالبه ئي کړيده ۔ اجلاس ته وينا په وخت د ايران مندوب امير سعيد وئيلي دي چې د پرامن مقاصدو لپاره د جوهري تنصيباتو باندې حملې د نړي وال قانون او د ايران د خپلواکۍ خلاف ورزي ده ايران د خپل دفاع پورا حق لري او د امريکني حملو به ورله موثره جواب ورکوؤ.
روس او چین نمائندګانو ايران او اسرائيل ترمينځ روانه شخړه کښې د امريکې د شموليت غندنه کړې او دا حملې ئې د سيمې د سلامتيا لپاره خطرې ګرځولي دي،د چين مندوب فوکانګ د اسرائيل او ايران ترمينځ فوري جنګ بندۍ مطالبه کړيده او د مذاکراتو په ذريعه دا مسئله حل کولو باندې ئې زور راوړېدے،د روس استازي ويسلي نيبينزيا د امريکې حملې خطرناک او غير ذمه دارانه ګرځولي دي او وئيلي ئي دي چې امريکه جهګړه کښې شدت راوستل غواړي او ايران سره کشيدګي د سفارتکارۍ د لارې حل کولو کښې دلچسپي نه اخلي ۔
د متحده قامونو جنرل سيکرټري انتونيوګوټريس اجلاس ته وينا په وخت دواړو فريقينو نه مطالبه کړيده چې د صبر او تحمل مظاهره دې وکړي ۔ د ګوټريس وينا ترمخه امريکې او اسرائيل د ايران سره تاؤتريخوالي نه سيوا کولو په حواله د هغه د امن اپيل ته هيڅ توجو نه ده ورکړې او په ايران ئې حملې وکړے د سيمې اولس نوره تباهي ليدل نه غواړي بايد چې فريقين د خبرو د لارې دا کشاله ختم کړي ۔
سلامتي کونسل اجلاس ته د پاکستان مندوب عاصم افتخار هم وينا کړې او وئيلي ئي دي چې په ايران د امريکې کارروايو لوجې سيمه کښې کشيدګي سيوا کيدو انديښنه ده ،عاصم افتخارد ايران سره د يو والي اظهار کړېدے او وئيلي ئي دي چې د متحده قامونو د قوانينو مطابق ايران د خپل دفاع پورا حق لري پاکستان هم د دې حق مکمل ملاټر کوي بلخوا د ايران خارجه وزير عباس عراقچي د متحده قامونو جنرل سيکټري انتونيوګوټريس ته خط ليږلې دے او د امريکني حملو ئې په سختو ټکو کښې مذمت کړېدے، خط کښې عباس عراقچي ليکلي دي چې ايران د اين پي ټي رکن دے او د جوهري عدم خورونکې په معاهده عمل درآمد کوي ولې د دې باوجود امريکې او اسرائيل د جارحيت مظاهره کړې او منطقه ئي د لوئي بحران سره مخ کړيده ۔
عباس عراقچي خبردارې ورکړېدے که چرې متحده قامونو موجوده صورتحال کښې عملي اقدام پورته نه کړو نو دا کشيدګي به نوره هم سيوا شي او د نړۍ سلامتيا هم متاثره کيدې شي ۔