که يو طرف ته د ايران او اسرائيل حملو کښې سيوا والې راغلې دے نو بلخوا د دواړو فريقينو ترمينځ روانه شخړه د مذاکراتو او خبرو د لارې د حل کولو کوششونه هم کيږي ۔ د نړي نورو ملکونو د مشرانو نه علاوه يورپي ملکونه هم ايران اسرائيل جهګړه بندولو لپاره متحرک شويدي ۔
دجمعے په ورځ جينوا ښار کښې د فرانس،برطانيي او جرمني خارجه وزيران د ايران د هم منصب عباس عراقچي سره د ايران جوهري پروګرام په حواله اهم مذاکرات کوي ۔ سفارتي ذرائع وائي چې دا مذاکرات به د جرمنۍ په قونصلګرۍ کښې کيږي ۔ د دې مذاکراتو مقصدايران دې ته رضا کول دي چې نړي وال جوهري توانائۍ ايجنسۍ او نړي وال ملکونو له دا باور ورکړي چې د ايران جوهري پروګرام صرف د پرامن مقصدونو لپاره دے او دا به د جوهري وسلو لپاره نه استعماليږي ۔
د اسرائيل خبري ادارو ترمخه د جينوا مذاکرات د امريکې په منظورۍ او مشاورت کيږي ۔ سفارتي مبصرينو د ايران او اسرائيل تاؤ تريخوالي د ختمولو په حواله د يورپي ملکونو او ايران د خارجه وزيرانو اجلاس اهم کوشش ګرځولي او طمع ئي څرګند کريده چې دې اجلاس کښې به مهم پرمختګ رامخې ته شي ۔
د مبصرينو رائے ترمخه ايران له د موجوده مشکل صورتحال نه د وتلو لپاره دا آخري کوشش هم ثابتيدې شي که چرې ايران خپله رويه کښې نرمي راوستله او د جوهري پروګرام په حواله د امريکې او د آئي اے اي اے سره تعاون ته رضا شو نو امکان دے چې اسرائيل سره د ايران روانه جهګړه به هم ختم شي بلخوا د آئي اے اي اے ادارې مشر رافيل ګروسي وئيلي دي چې ايران لخوا ايټم بم جوړولو د کوشش هيڅ قسمه ثبوتونه نه دي ملاؤ شوے،د هغه وينا وه چې مونږ د ايران د شپيته فيصده يورينيم افزودګۍ خلاف يو خو آئي اے اي اے اوسه پورې دا دعوي نه ده کړے چې ايران ايټمي وسله جوړه وي ۔
د جينوا مذاکراتو په داسې مهال کيږي چې صدر ټرمپ ايران له واضح پيغام ورکړېدے چې ايران په هيڅ صورت کښې هم ايټمي وسله نشي ساتلے،دې سره سره ټرمپ خبردارې هم ورکړېدے که چرې ايران څه قسم تعاون نه کوي نو امريکه به هم مجبورا شي چې د اسرائيل او ايران ترمينځ روان جنګ کښې شامل شي
