د ايران په جوهري او پوځي تنصيباتو د اسرائيل حملو په نتيجه کښې د آرمي چيف محمد باقري،پاسداران انقلاب مشر حسين سلامي او ايټمي سائنسدانانو د وژنې نه پس ايران حکومت د تهران بشمول نورو ښارونو کښې د اسرائيل استخباراتي ادارے موساد لپاره جاسوسي کونکو خلاف په لويه پيمانه کريک ډاؤن شورو کړيدے ۔
د ايران رسنيو ترمخه سيکيورټي فورسز تهران کښې د شمکن کسانو خلاف کارروائيو کښې تيزي راوستلې ده او د موساد لپاره د جاسوسۍ په الزام کښې اتلس نور کسان ګرفتار کړي شويدي چې پکښې افغانان هم شامل دي ۔ ايران رسنيو د سيکيورټي چارواکو په حواله وئيلي دي چې اوسه پورې د مختلف ښارونو نه پنځه سوه ديرش نه زيات کسان نيولي شويدي چې پکښې د زياترو تعلق د افغانستان سره دے ۔
ايران سيکيورټي چارواکي دعوي لري چې دې هيواد کښې په غيرقانوني توګه ميشته افغانان او افغان طالب علمان د اسرائيل لپاره جاسوسي کوي ۔ ايران سيکيورټي اهلکار د مختلف ودانو نه علاوه تعليمي ادارو او هاسټلو باندې هم وخت په وخت چهاپې وهي او د شک په بنياد افغانان ګرفتارولي شي ۔
دې نه مخکښې هم ايران کښې ميشته افغانانو سره د ايران حکومت د بدچلن واقعات رامخې ته شوي وو او افغان دولت دا معامله څو وارې د ايران د واکمنو سره هم پورته کړيده
