د بهرنۍ یو خبري آژانس د راپور له مخې د پنجشنبې په سهار ایران لوري په اسرایل یو شمیر بیلسټیک توغندي ور ویشتل شوي دي چې تر دې دمه د ۱۴ کسانو د ټپي کېدو خبرونه ترلاسه شوي دي.
د اسرائیلي ریسکیو چارواکو په وینا، په یر السبع ښار کې د ساروکا روغتون باندې هم توغندی لګېدلی، چې له امله یې ستره تباهي رامنځته شوې ده
په دې اړه د اسرائیل رسنۍ وایي چې ایران د جنوبي اسرائیل یوه روغتون په نښه کړی دی، او د ایراني توغندیزو بریدونو وروسته په ګڼو سیمو کې د سختو تاوانونو او ټپیانو راپورونه ترلاسه شوي دي
د خبري آژانس د راپور له مخې، د ایران د توغندیزو بریدونو وروسته په تل ابیب او قبضه شوي بیت المقدس کې چاودنې اورېدلې دي او د مالي زیانونو راپورونه هم ورکړل شوي دي
د اسرائیلي ریسکیو چارواکي وايي چې په تل ابیب کې د ګش دان او نقب دښتې په ګډون لږ تر لږه په څلورو سیمو کې د شپږو توغندیو د لګېدو راپور ورکړل شوی دی، او په نقب دښته کې یو توغندی په مستقیم ډول پر یوې ودانۍ لګېدلی دې