د بدخشان د زیباک ولسوالۍ له لارې د پنجشېر او ډیورنډ کرښې ترمنځ د ستراتیژیک سړک د جوړولو په بشپړېدو سره، دا ولایت د لومړي ځل لپاره د پاکستان د چترال سیمې سره وتړل شو.
د رسنیو راپور ترمخه د پنجشېر د ولایتي ادارې ویاند سیف الدین لیتون د دوشنبې په ورځ د جون په ۱۶مه په یو مطبوعاتي اعلامیه کې وویل چې دا لاره، چې ۱۹۴ کیلومتره اوږدوالی او ۱۰ متره پلنوالی لري، د افغانستان یو له سختو غرنیو او سرحدي لارو څخه ګڼل کېده، چې اوس د ا.ا د هڅو او په پنجشېر کې د ملي دفاع وزارت د فوق العاده لوا د پرلپسې هڅو او د پنجشیر د والي الحاج حافظ محمد آغا حکیم د فعالې رهبرۍ له امله بشپړه او د ګټې اخیستنې وړ ګرځېدلې ده
د رسنیو د راپور مطابق د پنجشېر والي حافظ محمد آغا حکیم د دې پروژې د بشپړېدو هرکلی وکړ او ویې ویل چې د ستراتیژیکو سړکونو په جوړولو سره به پنجشېر له اقتصادي انزوا څخه راووځي او په سیمهییز سوداګریز څلور لارې به بدل شي. د هغه په وينا، نن پنجشېر له نورستان، تخار، بدخشان او په پای کې د پاکستان له چترال سره نښتې دې .
هغه زیاته کړه چې د دې سړک بشپړېدو نه یوازې د خلکو لپاره سوداګریزې لارې پرانیستې دي، بلکې پنجشېر یې په سیمه کې په یوه ستراتیژیک نقطه بدل کړی دی او ددې لوی سړک د بشپړیدو سره په ځایی اولس د روزګار فرصتونه په لاس راشي او د هیواد د اقتصادي په ګټه په تمام شي.
د پنجشېر والي یادونه وکړه چې د روان کال له پیل راهیسې د دې نویو لارو زرګونه کورني او بهرني سیلانیان دې ولایت ته راجلب کړي دي، او د شمېرو له مخې، له ۱۰۰ زره څخه ډېر سیلانیان پنجشیر ته داخل شوي دي.