مکه مکرمه: د سعودي عربستان د عرفات په سیمه کې نن د نړۍ ګوټ ګوټ څخه راغلي مسلمانان نن د حج ستر رکن، وقوفِ عرفه، ادا کوي ، دحج دې فرض رکن لپاره نن په لکونو حاجېان د عرفات په مېدان کې او د عرفات په غونډۍ ناست دي چې د حج خطبه واوري۔
دلته ددې خبرې باېد ېادونه وشي چې د حج د مناسکو د ادا کولو لپاره ، حاجیان پرون د خیمو ښار منی ته رسېدلي وو، چرته چې دوی ټوله شپه په عبادت تېره کړه او نن دعرفات په مېدان کې راغونډ شوي دي ۔
د نن د سهار لمونځ (فجر) وروسته حاجیان د عرفات میدان ته روان شول څو د حج مهم رکن، وقوفِ عرفه، ادا کړي.
حاجیان به په عرفات کې د مسجد نمره څخه د حج خطبه واوري، او بیا به د ماسپښین او مازدیګر لمونځونه یوځای، لنډ (قصر) ادا کړي . د ورځ په اخر کې به د لمر لوېدو وروسته حاجیان مزدلفې ته لاړ شي او شپه به د مزدلفې په سېمه کې تېره کړي ۔
سبا به حاجیان د شیطان جوړ سلي په کانړو ولي او د حج دا مناسک به ادا کړي او بیا به قرباني وکړي ۔