افغان خارجه وزارت خپل يو بيان کښې د پاکستاني حکومت لخوا کابل کښې د ناظم الامور عهده د سفير د عهدې پورې لوړه کولو اقداماتو ستائينه کړيده ۔ د خارجه وزارت بيان ترمخه اسلامي امارت هم د پاکستان د اقداماتو مثبت ردعمل ورکړې او په اسلام آباد کښې د افغانستان سفارت موجوده ناظم الامور عهده د سفير د څوکۍ برابر کړيده ۔ افغان خارجه وزارت په بيان کښې وئيلي شويدي چې د دواړو ملکونو سفارتي تعلقاتو کښې اضافه ښه پرمختګ دے او د دې لوجې به د دواړو ګاونډي ملکونو اړيکې نورې هم مضبوطې شي ۔ د نورو ملکونو په رنګ پاکستان د افغان طالبانو حکومت هم تر دې دمه په رسميت نه دي پيژندلې ۔ په افغانستان د طالبانو د قبضے نه پس پاکستان د افغان طالبانو د حکومت سره سفارتي اړيکې محدود کړې وې۔ کال دوه زره دويشتم کښې پاکستاني حکومت افغانستان لپاره د سفير عهده ختم کړي وه او عبيدالرحمان نظاماني ئې پاکستاني ناظم الامور مقرر کړي وو۔ پاکستان لپاره د افغانستان د ناظم الامور سردار احمد شکيب تقرري هم د اکتوبر مياشت کال دوه زره يويشت کښې شوي وه او دواړه شخصيات اوسه پورې په دې عهدو کار کوي ۔
